DIRT 2 | "حرب الرمال" بين السائقين ! .. ( السيارات - القوائم ..ألخ ) ..[ استعراض ]..

السلام عليكم
:::
::
:



DIRT 2 ، بكل صراحه ابهرتني جدا بعد ما لعبت الديمو فوق 20 مره ! وبالفعل لا تمل منها !
يكفي ان اللعبة بها ( FJ ) و HUMMER بنوعين ، وسيارات من شركة BMW و شركات أخرى .. سأتحدثت عن المحرك والاجواء والقوائم وقائمة السيارات وغيرها والله أبهرتني !!!
لـــكـــن ..
بعد الفاصل




الناشر: Codemasters
المطوّر: Codemasters
تاريخ الصدور: September 8, 2009 ( بعد 7 أيام )
النوع: Racing
أون لاين : YES


--[ مــحــركـ اللـعــبة ]--



وهو أهم ميزة في اللعبة .. حيث يعتبر ( ثورة ) بالنسبة لمحرك لعبة ( رالي ) ..
حيث يتيح للمطورين خيارات قوية بالنسبة للجرافيكس .. وهذا ما كان
أيضا فيزيائية بالفعل تحسسك انك تسوق (سيارة) رالي .. قمة بالابداع !
أما فيما يخص الـ ( جيم بلاي ) وباقي الاشياء .. حتى الرسوم سأتحدث عنها لاحقا بشكل مفصل ..
عموما أمر أخر في المحرك وهو وجود نظام ( flash back ) هو العودة بالزمن للوراء ..
وانت تحدد المدة .. مثلا فيه لفة لفيتها غلط .. ممكن ترجع .. هذا ( كورس ) مجاني ..
لكن طبعا الموضوع ماهو زي ما تتصور !
لك عدد معين من الـ(فلاش باك) على حسب مستوى الصعوبة اللي أخترته .
أيضا نظام الإعادة ( replay ) رائع جدا وبإمكانك مشاهدة السباق ببطئ شديد جدا .. مع وجود كاميرا اضافية وهي تظهر لك السباق ( بإخراج ) مميز جدا ..



--[ GamePlay ]--



إبداع .. بكل صراحه ابهرني جدا الجيم بلاي وما توقعته بهذه الطريقه أبدا ..
السيطرة على السيارة بالسرعه القصوى تكون أصعب .. بينما تسهل كلما قلت السرعه ..
دخولك في المياة أو المرور عليها يأثر على سرعه وحركه السيارة .. يعني لو لفيت وعجلات السيارة بداخل الماء ممكن تحوص عليك ..

أجمل شي وأكثر يخليك تقول ( يالله .. ) هي الدخلات أو اللفات .. بكل صراحه فيزيائية غير طبيعية في اللعبة .. يعني الدخلات على الجنب مميزة جدا .. وتفرق بين لاعب ولاعب ..
ومرات ( ثقتك بنفسك ) الزائدة تخونك وتخليك تصدم بجبل او شجر او حجر !
فـ لذلك اللفات ماهي صعبة جدا .. لكن يبغالها فن وتركيز ..
الحمد لله وصلت للإحتراف فيها

شي ثاني مهم بالنسبة لي .. وهو اذا سقت من داخل السيارة بتقدر تلاحظ أن اذا كنت مسرع وفرملت بتشوف السائق يتقدم قدام شوي .. يعني جسم السائق مرتبط بحركة السيارة !



فيه أمور اضافيه بالجيم بلاي تعطيه حماس ومتعه كبيرة ..
أول هذي الامور هو اذا مريت من مكان معين بتشوف أن العاب نارية انطلقت من الارض ..
صراحه جو حماسي جدا ..

أيضا أمر أخر وهو تعليقات المتسابقين .. فـ ستسمع تعليقات المسابقين وستعرف من هو المتسابق وأين مكانه عبر نظام قمة بالروعه يأتيك في الخريطه او في الخط الجانبي ..

أصوات المحركات .. أمر لا يوصف .. بكل صراحه اتقان كبير جدا .. أيضا أصوات الاصدامات وأصوات مرورك على الماء او اصدائمك بالارض ..



اللعبة فيها 5 مناظير :
- من الخارج
- من الخارج 2 ( أبعد بقليل )
- ظهور الكبوت فقط
- عدم ظهور أي شي من السيارة فقط الطريق
- من داخل السيارة

وأجمل شي عندي هي ( من الخارج 2 + من داخل السيارة )

من الداخل فيه مميزات رائعه جدا ..
اذا مريت من فوق ماء .. وجا الماء والطين على القزاز بتلاحظ ان الرؤية أصعب لكن فورا سيبدار السائق تلقائيا بتنظيف الزجاج .
أيضا بتلاحظ السائق يغير القير .. وممكن تسحب البريك !
وتستفيد منه في الدخلات !

--------------



فيه أمور اضافيه للسيارة ( قمة بالروعه ) ..
يمديك تحط ( دمى ) يعني العاب صغيرة في السيارة ..
يمديك تحط ( تعليقه ) على المراية .. !
ما ادري عن باقي الاضافات لأن الديمو كل شي فيه ( مقفل ) ..

هذه اللعبة فيه شي واحد لو كان موجود فيها .. من جد ( بتكمل ) ..
وهو أمكانية تعديل السيارة .. على الاقل من الداخل وزيادة طاقتها ..
وأعتقد أنه موجود .. لكن ماعندي أي معلومة مؤكدة .



اللعبة فيها نظام ( LEVEL ) وبالفعل يعطي جو وحماس .. خصوصا في الأون لاين ..
على حسب مركزك تاخذ نقاط ترفع لك الليفل .. وهذا الشي بالاوف لاين والأون لاين .. نفس الطريقه






اللعبة بها نظام تصادم رائع جدا .. فـ بعض الألعاب صراحه لاحظت مبالغه في الاصدامات ..
لكن هنا الاصدامات جميله جدا والسيارة تتضرر من كل مكان ..
حتى الزجاج يتحطم .. لكن من الصدمه الأولى او الثانية بتشوف انه متكسر لكن ما يزال بمكانه ..
اما صدمه قوية فـ ممكن تشيل لك القزاز بالكامل ..
تحطم الزجاج ما يجي على كم مرحله .. بتحلاظ واقعيه في هذا الامر يعني مو عدد صدمات معين يطيح لك القزاز ! على حسب قوة الصدمات ..
أيضا الصدام يطيح سواء الخلفي أو الامامي
الأبواب تتخلل إلى أن تسقط ..
سقف السيارة وكل مكان ممكن أنه يخرب ..
خصوصا اذا انقلبت عليك السيارة وما وقفت في الوضع المناسب فـ ستخسر السباق
أيضا لو صدمه قوية جدا تخرب السيارة بالكامل فـ سينتهي السباق ..
لكن لا تخافون .. الصدمات القوية نادر ماتحصل .. يعني اللعب ماراح يكون ممل أي صدمه تخسر !



--[ المضامير والدول ]--



اللعبة فيها عدد كبير جدا من الدول ( ماليزيا - اليابان - المغرب - لندن - مدن أمريكية ..ألخ )
وكل مدينة فيها عدد كبير من السباقات و ( الرخص ) يعني لك بطاقه معينه تدخل فيها السباق ..

المضامير باللعبة مصممة بطريقه مميزة ورائعه جدا .. ومتنوعة ..
وصراحه شاهدت مضامير ( ماليزيا ) .. والله تمنيت من كل قلبي ألعبها ..
بكل اسف الديمو مافيه الا ( المغرب و BAJA ) الثانية أعتقد تنطق ( باها ) .. وهي في أمريكا !
عموما كل المضامير مصممة بطريقه رائعه

بتكلم عن ( المملكة المغربية ) ..
ستشاهد المساجد .. والمباني الطينية القديمة .. ستشاهد الخضرة .. والرمال .. والماء والبرك !
بتشوف أولاد يلعبون فوق أحد البيوت .. بتشوف متفرجين بوضعيات مختلفه ..
جمهور رائع .. لكن اتوقع أن أجمل مدينة وأجمل مضامير هي ( ماليزيا ) !
لكن .. المملكة المغربية لا تقف على سباق واحد فقط .. يوجد أكثرمن سباق وأكثر من مضمار ..
هي وغيرها من الدول ..



--[ خارج السباق ]--



وهي القوائم والامور الأخرى خارج السباق ..
فيه شي مميز بهذي اللعبة .. ماشفته بأي لعبة ثانية ..
وبالفعل يعيشك جو ( مختلف ) تماما .. يعني مو بس تسوق سيارة وبس !
يوجد لديك غرفه وهي اصلا شاحنه كبيرة .. لكن بنظام ( منزل ) . .
تقدل تتحرك فيها لكن عن طريق ( عرض القوائم )
وتقدر تدخل وتطلع من الغرفه الخاصه بك .. لكن كل هذا لازم تواجهك قوائم
يعني الحركة غير حرة أبدا .. لكن الفكرة رائعه لكسر الروتين ..
شي أخر مهم .. وهو كما شاهدت في بعض مقاطع الفيديو .. ستجد علم بلادك ( السعودية )
معلق في الغرفه .. أيضا بإمكانك اضافه بعض الاشياء للزينه في الغرفه لأني شفت أكثر من مقطع .. غرفه السائق مختلفه في كل مقطع .. نفس التقسيم لكن فيه زينه وأشياء مختلفه .
وممكن هذا الامر يكون حسب تطورك وشهرتك او حسب وصولك لسباقات عالمية أكثر قوة !
بتحس بواقعيه في الحركة ( أقصد حركة الشخصية في المشي ) .. فـ الحركة سريعه شوي ، اذا مريت من الغطا الي محطوط على الباب بتشوف انه يتحرك او يعني شخصيتك تفتح هذا الغطا ..



داخل الغرفه بتلاقي هذه الخيارات :

BIRRTTOUR : وهذا الخيار يعرض لك السباقات حسب الدول معروضه على خريطه رائعه جدا بشعارات السباقات وكل شي بطريقه ( لا مثيل لها ) ..

تختار الدولة بعدين تختار السباق .. كل دولة فيها أكثر من سباق .. عدد كبير من السباقات
انا لاحظت ماليزيا .. فيها عدد كبير من السباقات .. غالبا أنت ماتقدر تلعب أي سباق .. لازم تتدرج لكن عدد السباقات كثير .. فـ هذا يطيل عمر ( متعة اللعبة ) ..

MY STUFF : وهو الاشياء الخاصة بك كـ سائق من أرقام ومواعيد و بطولات .. ويوجد خيار أيضا اسمه ( CO-DRIVERS )

MULTIPLAYER : هذا بتكلم عنه تحت .. !

EXTRAS : وهي الاضافات وخيارات التحميل والفيديو

OUTSIDE : وهو الخروج من الغرفه ..

---------------------------------

الأن نستعرض الخيارات الي بتلقاها ( OUTSIDE ) .. يعني بالخارج ..

MY RIDES : وهي سياراتك بالديمو كل السيارات مقفله الا سيارتين

VIEW : وهو خيار مشاهدة السيارة يعني تتفرج عليها من كل مكان وبكل زاوية ، بكل صراحه المطور ( شخص فآهم ) أنا شخصيا أعشق اتفرج على السيارة خصوصا اذا جت بتعب .

OPTIONS : الخيارات ، من اعدادات صوت وغيرها ..

NEWS : وهي الاخبار ( مجلة تعرض لك الاخبار ) ..

INSIDE : الدخول للغرفه



--[ الرسوم ]--



كما ذكرت سابقا المحرك يتيح للمطورين عمل رسوم قوية .. وهذا ماكان بالفعل ، الرسوم لاتصل لمستوى GT5 لكن الجرافيكس قوي جدا جدا .. حتى ذرات التراب بتشوفها تتحرك اذا مريت من فوقها .. أيضا الزرع والنباتات .. ماراح تمر عليها كأنك تمر على ( هوا ) بتشوف انها تأثر وأنك صدمت شي بالفعل ..
أيضا الشبك الحاجز على جوانب بعض اللفات أيضا يتأثر ويأثر في السيارة ..

أيضا المناظر الخلابه الي بتشوفها ( خصوصا في دولة ماليزيا ) يآربآه !
انعكاسات الماء .. وجمال الطبيعه .. ومتعة اللعبة !
يعني الجرافيكس ( محترم ) .. بعض الألعاب تلعبها وتستحقرها او تكرهها بسبب اخطاء في الرسوم او الجرافيكس .. هذي اللعبة ماهي كذا أبدا جرافيكس روعه .



--[ قائمة السيارات ]--



بتلاحظ ان السيارات مكررة في أول 3 خيارات .. هي مكررة كـ نوع سيارة ، لكن مختلفه في الشكل والامكانيات .

RALLY :

- Mitsubishi Eclipse GT
- Mitsubishi Lanser Evalution IX
- Nissan 350Z
- Colin McRae R4
- Mitsubishi Lanser Evalution X
- Subaru Impreza STI Group N
- Subaru Impreza WRX STI
- Pontiac Solstice GXP
- BMW ZA M Coupe Motorsport

RALLYCROSS :

- Mitsubishi Eclipse GT
- Mitsubishi Lanser Evalution IX
- Nissan 350Z
- Colin McRae R4
- Mitsubishi Lanser Evalution X
- Subaru Impreza STI Group N
- Subaru Impreza WRX STI
- Pontiac Solstice GXP
- BMW ZA M Coupe Motorsport

TRAILBLAZER :

- Mitsubishi Eclipse GT
- Mitsubishi Lanser Evalution IX
- Nissan 350Z
- Colin McRae R4
- Mitsubishi Lanser Evalution X
- Subaru Impreza STI Group N
- Subaru Impreza WRX STI
- Pontiac Solstice GXP
- BMW ZA M Coupe Motorsport

STOCK BAJA :

- Toyota FJ Cruiser
- Honda Ridgeline
- Hummer HX
- Dodge Power Wagon

RAID TI :

- Bowler Nemesis
- Mitsubishi Racing Lanser
- Volkswagen Race Touareg 2
- Hummer H3

TROPHY TRUCKS :

- STUKA TT
- Dodge Ram Trophy Truck
- Ford : Kincaid Ford F-150 Trophy Truck
- Chevrolet Silverado CK-1500

CLASS 1 BUGGIES :

- ICKLER : Brian Ickler Buggy
- Herbst Smithbuilt Buggy
- Porter PRC-1 Byggy
- Dejong MXR



--[ MULTIPLAYER ]--



الجزء السابق من اللعبة كان الأون لاين فيه ( ممل جدا ) .. السبب انك ما تشوف السيارات الي تلعب معاها .. فقط تعرف ترتيبك من خلال ( الليدر بورد ) الي تلقاها قدامك في السباق !
لكن الأن ( الحمد لله ) أنك تشوف الي تلعب ضدهم .. واذا قربت منه بتلقة اسمه طلع فوق السيارة واذا عديته بتشوف مركز ارتفع ومركزة نزل ..
طبعا ممكن تسمع تعليقات .. تخليك مبسوط ، لأن باين صاحبها مقهور

فيه اضافة رائعه جدا .. وهو خيار ( 4×4 )
يمديك تسوي ( فريق ) انت واصدقائك وتتسابقون ضد فريق ثاني
ويجمعون نقاط كل سائق ويتحدد الفريق الفايز !

جملة وحدة تخص الأون لاين ( أنسى اللاق ) ولا ابالغ أبدا ..
بالفعل ما قد لعبت جيم كان فيه ذرة لاق ! مستحيل !
طبعا شي مهم لازم اقوله .. ان السيارات ممكن وانت بالسباق ما تشوفها بعض الاحيان !
هذا ممكن راجع للاق من اتصالك او اتصالهم .. لكن مره ماهي مشكله ولا يأثر في الترتيب ابدا ..
لأنك نظام الأون لاين هو انك تلعب بشكل مستقل .. لكن اون لاين

فيه شات في الأون لاين .. صوتي وأعتقد كتابي ..،

قوائم الأون لاين زي باقي قوائم اللعبة ( بيرفكت ) ..



التقييم الشخصي للعبة :

أهم شي أنه فوق 9 .. وان شاء الله تنصفها المواقع العالمية ..
لأن الجزء السابق أخذ 8.4 .. وهذا يبشر بالخير جدا ان التقييم بيكون عالي ..
لكن عموما العاب السيارات + كرة القدم .. تقيماتها دايم ماهي مره قوية !

أعطي اللعبة : 9.4

أنتظرها ( على أحر من جمر) !
اللعبة تفرض نفسها على عرش ( أفضل لعبة رالي في التاريخ ) !
وبشكل عام من أفضل العاب السيارات .






تحياتي لكم